Mag-atubang sa kasong drug pushing karong adlawa ang usa ka drug pusher nga nadakpan sa Bulua Police station sa ilang drug buy bust operation sa usa ka dakong establisamento sa Barangay Kauswagan ning syudad sa Cagayan de Oro.
Ang maong suspect naila sa ngalang si Ronie Guinbone, 29 anyos ug taga Barangay 18 ning syudad.
Matud ni Police Major Breccia Ruth Deloso Townend nga mga alas 8:50 kagabie ilang gilunsad ang ilang buy bust operation sa George Town RN Pelaez Boulevard Carmen ning syudad ug milampos ang ilang pagsikop sa maong suspect.
Nakuha gikan sa maong suspitsado ang usa ka paketeng suspected SHABU, buy bust money nga 500 pesos, cellphone ug personal nga salapi nga mokabat sa 250 pesos
Ang maong suspect, pasakaan nag kaso karong adlawa sa City Prosecutor’s Office sa kasong drug pushing tungod sa paglapas sa Republic Act 9165 o Comprehensive Dangerous Drugs Act of 2002.