Roxas City, Capiz- Ginkakibot ni Mr. Gay World Philippines 2009 Wilbert Tolentino ang demands ni Mader Sitang antes ini nga magpirma sa lima ka tuig nga managerial contract.
Si Wilbert nga amu ang international manager ni Mader Sitang, ang excited nga nagtulak pa-Thailand sang Nobyembre 6, Martes sang gab-i, kaupod ang Philippine entourage para sa contract signing.
Ini naman ang ginsug-alaw ni Mader Sitang sa airport apang sang nahibaluan nga wala sang dala nga milyones si Wilbert, dali-dali ini nga nagbiya.
Miyerkules, Nobyembre 7, nagdangop si Wilbert sa consul sang Pilipinas nga nakabase sa Thailand agud nga ipadeklara nga persona non grata si Mader Sitang para indi na ini liwat magtungtong sa Pilipinas.
Ini matapos nga base sa report, nagdemand si Mader Sitang nga magbaton sang 19.5M baht ukon katumbas sang P31.3 million pesos antes ang contract signing.
Suno diri nga kinahanglan niya sang 9.5M baht(PHP15.3M) para sa balay, opisina & mini-warehouse, plus 10M baht (PHP16M) para sa iban pa nga gastusan.
Si Mader Sitang ang Thai social media sensation nga nangin bantog bangud sa viral videos niya kun sa diin nagasaot.
via | www.pep.ph
