Iduso gihapon sa Department of National Defense ang pag review sa Mutual defense treaty.
Kini luyo paman nga una nang gibutyag ni Foreign Affairs Secretary Teddy Locsin nga dili na kinahanglan pang subli nga tun-an ang mutual defense treaty tungod nagtuo ug sigurado sila nga dili mawagtang ang commitment sa Estados Unidos nga suportahan ang Pilipinas.
Ang mutual defense treaty kasabutan sa Pilipinas ug Estados Unidos niadto pang 1951 nga nagtumong nga suportahan ang matag-usa sa pag atake nga himuon sa ubang nasud.
Sa karon sutaon ni Defense Sec. Delfin Lorenzana kung pasok ba ang gikaingong “attack” sa mutual defense treaty ang ghinahimong pagsulod sa mga chinese vessel sa West Phil Sea.
Mamahimo matud pa nga shooting war ang ginatumbok sa mutual defense treaty.
Nagtuo ang kalihim nga kinahanglan nang mahan-ay ang interpretasyon nga naglangkob sa MDT aron mas mahimong tin-aw ang ilang aksyon sa unsa mang sitwasyon.
Gibutyag sab sa kalihim nga makig-estorya kini sa usa ka opisyal sa Pentagon karong bulana aron nga mahisgutan ang isyu apan giklaro niini nga dili kini parti sa review sa mutual defense treaty.
