General Santos City—Gipaniguro ni Police Major Donald Cabigas ang hepe sa Police Station 6, ug ground commander sa security force nga gilatag sa Santiago blvd. kung asa ipahigayon ang mga aktibidadis sa kalilangan festival nga aduna silay security plan sa maong area.
Sumala pa ni Major Cabigas nga walay angay kabalak-an ang mga buot makigsadya sa mga pasundayag nga ipahigayon sa maong lugar tungod kay anaa ang kapulisan sa palibot naga bantay inubanan sa Joint Task Force, Philippine army ug uban pang mga force multiplier.
Gipangsirado matud pa nila ang mga dalan sama sa Laurel East, Lapu-Lapu St. ug ang Narangajita ingon man ang San Miguel St. samtang aduna man usay naga kapkap sa tanang musulod sa activity area.
Samtang nanawagan si Major Cabigas sa katawhan nga tabangan sila sa ilang pag bantay sa palibot ug gilayon nga i-report sa otoridad ugaling adunay namatikdan nga mga kaduda duda nga mga tao ug mga butang.
