HINIGARAN, NEGROS OCCIDENAL – Natiruhan ang isa ka lalaki sa ginpatigayon nga buybust operation kagab-i sa banwa sang Hinigaran.
Nakilala ang subject sang operation nga amo si Radge Prado, 30 anyos ang edad kag pumuluyo sang Brgy. 4, Hinigaran.
Suno sa iloy ni Prado nga may mga las 6 kagab-i, nagpatigayon sang buy bust operation ang mga katapo sang HInigaran Municipal Police Station kag ang PDEA sa ila mismo balay.
Wala gintumod sang iloy sang suspek ang rason kon ngaa natiruhan ang iya anak nga naigo naman sa wala nga kamot kag sa iya buli.
Si Prado ang dali-dali nga gindala sa Corazon Locsin Montelibano Memorial Regional Hospital kon diin padayon ini karon nga ginabulong./
Facebook Comments
