ESCALANTE CITY, NEGROS OCCIDENTAL – Natiruhan sang pulis ang isa ka amay nga bu-ot kuntani serbihan sang warrant of arrest apang nagbuko magpalagyo kagab-i sa ciudad sang Escalante.
Ini siya nakilala kay Joy Victorama, 46 anyos ang edad, pumuluyo sang Hacienda Amparo, Escalante City.
Ginpahayag sang umagad ni Victorama nga pasado las 7 kagab-i sang nag-abot ang mga katapo sang Escalante PNP sa ila balay agud i-serbe ang warrant of arrest batuk sa iya sa kaso sini.
Apang sang nakita niya ang mga utoridad, nagdalagan si Victorama.
Ini ang rason kon ngaa napilitan ang mga pulis nga magpalupok kon diin nag-angkon sang duha ka igo sa iya wala nga kilid si Victorama.
Ini siya ang gindala sa Corazon Locsin Montelibano Memorial Regional Hospital kag padayon nga ginabulong./Not the actual photo
