General Santos City—Samdan ang usa ka lalaki human kining natripan sa tulo ka mga wala pa mailhing mga suspek pinaagi sa pagbira kaniya samtang siya sakay sa iyang motorsiklo didto sa Barangay Landan, Polomolok, South Cotabato.
Giila ang biktima nga si Brendo Nanquil, 36, residente sa Purok 1, barangay Landan, Polomolok.
Sa inisyal nga imbistigasyon sa Polomolok Municipal Police Station nasuta nga gikan ang biktima sa balay sa iyang paryenti ug pauli na unta sa ilang panimalay apan pag abot sa awa-aw nga lugar didto na kini gibira sa mga suspek.
Pagmata sa biktima siya samdan na sa iyang ulo mao nga nangayo kinig tabang ngadto sa mga residenti aron sya madala sa ospital. Sa karon nagpadayon ang gihimong imbistigasyon sa kapulisan kalabutan sa insidenti.
