South Cotabato – Patay ang usa ka lalaki nga igo ra nga niuwang sa away sa duha niini ka kaila didto sa Purok Pag-asa, Barangay Rizal Banga South Cotabato , buntag niadtong nakalabayng adlaw.
Biktima giilang si Isagani Umalay, 22, minyo, residente sa maong lugar.
Subay sa inisyal nga imbistigasyon sa kapulisan nasuta nga naglalis ang usa ka Bryan Lucas, 31, ug Rey Lucas samang residenti sa maong lugar.
Aron nga dili mudako ang away sa duruha nagpatunga ang biktima aron uwangon ang mga nasangpit apan nabunalan ug dakong bato sa suspek nga si Bryan ang biktima nga miresulta sa iyang kamatayon.
Gilayon usab nga nasikop ang suspek human sa insidenti. Sangko usab sa langit ang pagmahay sa nasangpit human nga siya maoy hinungdan sa kamatayon sa biktima.
