Kritikal nga gidala sa balay tambalanan ang driver sa Nissan Navarra Pick-up human misungag kini sa kasugat nga Bachelor Bus sa nasudnong dalan sa Purok 2, barangay Salvacion, Prosperidad, Agusan del Sur kagahapong adlawa.
Giila ang biktima nga si Kevin Randy Yee Sy, 21 anyus, ulitawo ug residenti sa dakbayan sa Davao kinsa maoy nagmanehu sa Navarra Pick-up ang daling gidala sa DO Plaza Memorial Hospital apan gi-refer kini didto sa Hospital sa syudad sa Davao.
Samtang ang nagmanehu sa Bachelor Bus nga si Jonathan Maitim, 42 anyus, minyu ug residenti sa Tagum city ang kasamtangang gi-detain sa Prosperidad Municipal Police Station.
Nigawas sa imbistigasyon nga nangilog ug linya sa dalan ang Navarra Pick-up ug nibangga sa kasugat niini nga Bachelor Bus.
Swerti usab nga walay nasamdan ug naangol nga mga pasahero sa Bachelor Bus.
