*Un negociante y un 35-año de edad persona irido na dos separao incidente de tiroteo na Pagkilasa Drive y Logoy Jutay, todo na Talon-Talon del Miercoles denoche.*
*Alas 6:30 del noche cuando el negociante si Arnel Pedro y Francisco, 42, junto consu esposa si Esperanza y maga anac canda Janice y Arnel, Jr., muntao na diila KIA Sportage Wagon encamino para na diila residencia estaba na Bunguiao cuando de llegar na escuru parte del Pagkasilasa Drive, tiene ya lang dos persona ya abuya y el ancas derepente ya lang ya sopla de tiro.*
*Ya tupa el bala na esquierda carillo di Arnel (tata) pero ya puede pa este maneja con el diila vejiculo hasta ya llega na diila casa y despues ya lleva conele corre na hospital.*
*Pasada alas 9 del mismo noche, encamino para bolbida si* Baser Musin y Ampong, 35, pero cuando ya llega tamen le na un escuru lugar na Hawaii Drive, Logoy Jutay cuando tiene lang tambien conele quien ya tira y ya tupa na su braso.
Si Musin ya puede na corre para na diila residencia despues del incidnete.
Con Musin ya lleva na hospital para el curada medical.
