Negosyante patay matapos gintiro sang tatlo ka suspek sa Bacolod

256

Dead on arrival ang isa ka negosyante sa nagluntad nga shooting incident sa Narra Avenue, Capitol Shopping Center, Barangay Villamonte, Bacolod City, las 5 kaina sang hapon.

Ginkilala ang biktima sa kay Roland Tan, tag-iya sang Crown Agri Trading kag isa man ka negosyante.


Gin-confirm ni Police Major Reynante Jomocan, hepe sang Police Station 4, ang pagtaliwan sang biktima.

Suno sa mga saksi sa lugar, tatlo ka mga suspetsado nga nagalakat lang kag nagasuksok sang face mask kag kalo ang nagtiro sa biktima.

Hana na kuntani nga magsaka si Tan sa iya Toyota Land Cruiser sang natabo ang pagpaniro.

Dugang pa ni Jomocan, makit-an sa crime scene ang pito ka basiyo sang wala pa mahibalu-an nga kalibre sang armas luthang.

Sa pahayag naman ni Police Lt. Col. Ariel Pico, spokesperson sang Bacolod City Police Office, nagapadayon pa ang imbestigasyon sang otoridad sa insidente.




Facebook Comments