Patay ang isa ka negosyante sang ginpaarakan luthang sa Crossing Maoy, Brgy. Camindangan, Sipalay City, las-7:00 sang gab-i, Setyembre 9. Ginkilala ang biktima kay Noli Talabon, 43-anyos samtang wala pa nakilal-an ang mga suspetsado.
Santo blotter report sang Sipalay City Police Station, naga-inom sa sulod sang balay ang biktima upod ang iya asawa nga si Soledad Daisy, bayaw nga si Anaclito Ventura kag pakaisa nga si Jerry Tahum sang hinali nga nag-abot ang tatlo ka mga lalaki nga nagpaarak sang luthang gamit ang M16 kag M14 rifle. Magluwas sa tatlo, may lima pa ka mga lalaki nga nagahulat sa guwa sa balay sang biktima.
Nahibaluan nga ang suspek ang may pending nga kaso bangud sa pagluthang sini kay Bono Villaruel sang Brgy. Camindangan, Sipalay City. Ini ang may pending nga Warrant of Arrest sa kaso nga frustrated murder nga gin-issue ni Hon. Judge Henry Arles sang RTC Branch 61, Kabankalan City kag napetsahan Noviembre 28, 2001.
Narekober sa crime scene ang 9 ka fired cartridge sang M16, isa ka fired cartridge sang M14, isa ka live cartridge sang M14 kag isa ka fired shell sang 12 gauge shotgun.Sa karun ginahibalo pa ang motibo sa pagluthang sa negosyante.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
