Ginpahayag ni Frank Carbon sang Metro Bacolod Chamber of Commerce and Industry (MBCCI) nga dako ang epekto sa ekonomiya, negosyo subong man sa mga trabahador nga nadulaan sang ubra matapos nga nag sarado ang negosyo sang gin-implimentar ang enhanced community quarantine (ECQ).
Suno kay Carbon, bangud sa indi mahibaluan ukon uncertain kun san-o matapos ang krisis sa corona virus disease, madamo sang kapital sang negosyo ang madula, ginpakamaayo sang pila ka mga negosyante nga i-advance ang sweldo sang ila empleyado asta sa tunga-tunga sang Abril, apang kun padayon pa gid nga maglala may posibilidad nga masarangan pa man ang dugang nga kinse diyas (15 days) nga sweldo apang kun maglapaw na dire indi na ini ma sustiner bangud kalabanan sa mga negosyante sa syudad ang mga small scale business gid lamang ukon mga magagmay nga mga negosyo nga indi maka sustiner sa pag pang sweldo kun magapadayon ang krisis.
