NEGROS OCCIDENTAL – Nalakip sa Top 10 ang isa ka Negrense sa bag-o lang natapos nga Licensure Examination for Teachers ukon LET.
Sa elementary level, yara sa ika-pito nga pwesto si Julie Ann Villarias Gentilezo, isa ka graduate sang Visayas State University, Himamaylan Campus diri sa probinsya sang Negros Occidental.
Yara man sa ikapito nga pwesto ang produkto sang Negros Oriental State University – NORSU, Dumaguete City si Jonah Mavel Macasilhig Velez.
Sa pihak nga bahin, isa man ka Bacolena ang nag-top sa November 2017 Interior Design Board Examination.
Nagpanguna sa Board Exam for Interior Design si Paulyne Kate Sacdalan Genson.
Si Genson ang halin sa University of the Philippines – UP Diliman, apang taga-Brgy. Mansilingan kag alumna naman sang St Scholastica’s Academy Bacolod./dyHB BACOLOD
