Nagpasar sang Resolution subong nga hapon ang pulo (10) ka Kongresista sa isla sang Negros upod sa Abang Lingkod Party List nga naga-kondenar sa indi makatarungan kag traidor nga buhat sang New People’s Army (NPA) angut sa natabo nga ambush kahapon sang aga sa Sitio Tugas, Barangay Carabalan syudad sang Himamaylan nga ginkapatay sang tatlo (3) kag ginkasamad sang apat ka soldado sang 94th Infantry Battalion, Philippine Army.
Ginpahayag nga ang natabo ang isa ka ambush kag indi encounter, bangud nga nagapatigayon sang community security patrol ang tropa sang military para sa pag-assist sa LGU kag DSWD sa pagtagtaganay sang kwarta sa mga benepisyaryo sang social amelioration program (SAP) sa Barangay Carabalan syudad sang Himamaylan. Patay dire on-the-spot ang platoon leader kag duha ka kaupdanan matapos nga nalukpan sang landmine kag ginhabuyan sang granada.
Suno sa mga kongresista, ini nga ginhimo sang NPA isa ka klaro nga pag-bayolar sang unilateral ceasefire agreement sa tunga sang gobyerno kag NPA.
Nagpalab-ot man sang simpatiya ang mga Kongresista sa pamilya sang mga napatay nga soldado nga nagpakita sang ila kabaganihan para sa pag-away kuntra corona virus kag pagmintinar sang kalinong sa isla sang Negros.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
