General Santos City- Usa ka bag-ong gambalay alang sa hospital sa syudad sa General Santos ang imuntar.
Kagahapong adlawa, Setyembre 1 gihimo ang ground-breaking ceremony sa may Dr. Jorge P. Royeca Hospital alang sa pagtukod og 5-storey building nga pasilidad.
Ang maong hospital ang usa nga mga proyekto sa syudad aron sa pagpadako pa sa DJPRH aron nga maserbisyuhan ang mga pasyente sa maong ospital.
Sumala pa kang DJPRH Administrator Glenville Gonzales, nga ang orihinal nga specifications sa maong proyekto ang 2-storey lang apan gihimong lima ka andana sa Mayor.
Gi-atol ang ground breaking ceremony atol sa ika-47 ka mga tuig nga adlawng natawhan sa Mayor kon diin gipangunahan usab ang maong seremonya.
Mapasalamaton ang Mayor ngadto sa mga ahensya nga mitabang aron nga kini magpalampuson, sama na lamang sa Department of Health ( DOH) , PHILHEALTH og uban pa.
Sa maong building usab matukod ang mga pasilidad sama sa ICU, respiratory center, cancer center, new born screening center og uban pa.
