NFA Bukidnon gipakusgan ang pag-produce sa taas nga kalidad sa mga bugas

34
Gipakusgan karon sa buhatan sa National Food Authority (NFA)-Bukidnon ang pagpagawas sa mas kalidad nga klasi sa mga bugas kini atol sa pagpahigayon sa programa didto sa lungsod sa Maramag.

Nasayran nga atol sa maong programa gipadayag ni Floreena Loraina ang kasamtangan nga Acting Branch Manager sa NFA-Bukidnon kabahin sa mga updates ug mga programs sa National Food Authority atol sa pagpahigayon sa Training of Trainers sa Production sa mga taas nga kalidad sa Inbred Rice, Seed Certification ug Farm Mechanization partikular na diha sa Farmers Training Center, Central Mindanao University (CMU).

Atol sa maong panagtigum, dugang gi tin-aw sa NFA-Bukidnon ngadto sa mga partisipante ang mga klarong kalidad kamando-an sa Rice Tariffication Law ug ang epekto niini sa kanhi katungdanan sa buhatan sa NFA.

Dugang pa niini ang nag unang tahas sa maong opisina ngadto sa mga higayon nga kinahanglan ang pagpagawas sa mga relief operations nga ilusad sa gobyerno ug sa unsang paagi mapatuman ang pagpamalit sa mga abot sa kaumahan o Palay gikan sa local nga mga mag-uuma ug pagsiguro nga igo ug bastanti ang rice buffer stocks nga ma-disposed sa mga higayon nga kini gikinahanglan.

Facebook Comments