NGCP, mipasalig nga walay mahitabong power crisis bisan pa sa nasinateng ting-init

Gipasalig sa National Grid Corporation of the Philippines kon NGCP nga walay mahitabong power crisis sa Mindanao bisan pa sa epekto sa Weak El Niño Phenomenon.

Matud ni Mae Roselle Curiano, North-Central Mindanao Corporate Affairs and Public Relations Department Officer sa NGCP nga kini tungod kay wala na magsalig sa Hydro power plant ang supply sa kuryente sa Mindanao.

Gidugang ni Curiano nga ang dako nga porsiento sa power supply sa Mindanao gikan sa Generation sa Coal plant, Geothermal  Plant,  Solar ug Diesel power plant nga dili ma-apektohan panahon sa ting-init.