Kapin sa 200 ka mga balay ang ipa-tukod sang National Housing Authority – NHA sa syudad sang Bacolod sini nga tuig.
Suno kay Bacolod Congressman Greg Gasataya nga may yara sang ginpa-in nga budget ang NHA para sa housing project sa syudad sa diin ila na gina-handa ang bidding para sa engineering kag architectural design.
Paathag ni Gasataya nga ang NHA na ang maga-identify sang lokasyon kon sa diin ipa-tukod ang housing project sa Bacolod, kon ano ang desinsyo sang mga balay kag kon ano ang scheme para maka-avail sang unit.
Dugang pa sang kongresista nga daku ang mabulig sang sini nga housing project ilabi na sang mga taga-Bacolod nga maapektuhan sang clearing operations ilabi na ang yara sa danger zone.
Gina-klaro man ni Cong Greg nga ini nga housing project ang seperado naman sa programa sa karon sang NHA kag Bacolod Housing Authority sa Progreso Village sa Vista Alegre.
