Giaghat karon sa buhatan sa City Economic Enterprise Development and Management Office (CEEDMO) ang katawhan sa dakbayan sa Malaybalay nga suportahan ug makighiusa sa ilusad nga Night Market diha sa merkado publiko ning syudad.
Kini nga kalihukan pagasugdan petsa 24 adlaw nga Biyernes, ning bulan sa Hunyo kung asa masaksihan sa mga katawhan ang mga pasundayag nga himoon diha sa atubangan nga bahin sa public market terminal alas 5 sa hapon.
Sa pamahayag ni Romeo “Meong” Lapeceros ang Head sa CEEDMO-Malaybalay giklaro niini nga tipik ug kabahin kini sa tingoha sa administrasyon sa dakbayan sa Malaybalay karong panahona nga mamahimong “Hinlo, Hapsay, ug Bibo” ang merkado publiko para mas dayohon pa kini sa mga katawhan ug dakong tabang kini sa pagpalambo usab sa ekonomya sa syudad.
Atol sa maong kalihokan lauman sumala pa ang mga pagpahigayon sa mga live band nga mag hatag ug lingaw sa mga katawhan nga mobisita lakip ang mga food bazaar ug uban pang kalingawan.
Facebook Comments
