General Santos City—sikop sa operatiba sa Maitum Police Station ang no. 2 Most Wanted Person sa lungsod sa maitum sa gihimong Man Hunt Charlie nga giimplementar sa kapulisan sa panimalay mismo sa suspek sa Barangay Kiayap, Maitum, Sarangani Province.
Suspek nga dinakpan nailhang si Percy Naboa Narvaez, 48, minyo, residenti sa samang lugar.
Ala 1:30 ang takna sa hapon, July 10, 2017 dihang gisikop ang nahisgutang suspek duidto mismo sa iyang panimalay pinaagi sa gahum sa warrant of arrest sa kasong paglapas sa Sec. 11 ug sec. 12 sa Art. II, ilawom sa RA 9165 nga una nang gipagula ni Hon. Judge Oscar P. Noel Jr. sa RTC 11th Judicial Region, Justice On Wheels Sarangani Province pinitsahan ug July 4, 2017.
Wala na mipalag ang suspek human nga gipresentar ngadto kaniya ang warrant of arrest sa kasong iyang giatubang.
Adunay girekomendang pyansa ang korte alang sa temporaryong kagawasan sa suspek mukabat ug P200,000.00 ug P40,000.00.
Sa karon ang suspek kasamtangang nakakustudiya na sa maitum Municipal Police Station ug commitment order nalang ang gihuwat aron nga mabalhin na kini sa Sarangani Provincial Jail.
