BACOLOD CITY – Naaresto ang ginakabig number 2 nga most wanted person sang Police Station 7 sang nagligad nga Miyerkules sang gab-i sa Panaad Festival Site sa Brgy. Mansilingan, Bacolod City.
Nakilala ang suspek nga amo si Angelo Cordero, 20 anyos, soltero sang Prk. Sunrise, Brgy. Taculing, Bacolod City.
Pinaagi sa warrant of arrest natigayon nga madakpan sang mga katapo sang Police Station 7 sa pagpanguna ni PCI Ramel Sarona kag sang Panaad Sector Commander PCI Marc Angel Junco kag PSI Clifford Batadhay ang amo nga suspek.
Si Cordero ukon kilala man bilang si Alyas Toto Kawatan ang gindagdagan sang warrant of arrest sadtong November 23, 2017 bangud man sa kaso kriminal.
Suno sa mga witness ang suspek nga si Toto Kawatan amo man ang suspek sa natabo nga stabbing incident sadtong nagligad nga April 18, 2018 sa parking area sang Panaad Festival Site./dyHB BACOLOD
