Davao City – Subling nagpahimangno ang Task Force Davao sa no jacket policy sa ‘one entry points’ sa mga simbahan atol sa Misa de Gallo.
Sa interbyu sa DXDC RMN Davao kang Col. Darren Comia, Task Force Davao Commander, gibutyag niya kabahin kini sa pag-secure sa mga simbahan.
Matud ni Comia, sa pagsulod sa mga churchgoers kinahanglan nga hubuon ang jacket ug isumite ang kaugalingon sa inspeksyon sa mga awtoridad.
Subay niini giawhag ni Comia ang publiko nga dili usab magdala og backpacks ug uban pang non transparent containers.
Gipakatag sa Task Force Davao ang daghang mga personahe lakip na ang mga augment forces aron masigurong walay mahitabong insidente atol sa simbang gabi.
Giawhag niini ang publiko nga ipatuman ang culture of security nga kung adunay mamatikdang kadudahang lihok ug kagamitan sa palibot ireport sa mga awtoridad.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
