BACOLOD CITY – Nagpasar sang resolusyon ang Sangguniang Panlungsod sang Bacolod nga naga-hingyo naman kay DPWH Secretary Mark Villar nga magtukod sang overpass sa atubangan sang Negros Occidental High School – NOHS.
Ang amo nga resolusyon ang gin-author naman ni Councilor Jun Gamboa, Jr. sa diin unanimous naman ini nga gina-aprubahan sang iya mga kaupod sa konseho.
Paathag ni Gamboa nga may yara sang tatlo ka estudyante nga nabunggu-an sang salakyan sa atubang sang NOHS nagligad nga semana sa diin delikado ini para sa mga kabata-an.
Dugang pa sini nga ang dalan Araneta ang masako nga dalan sa diin dira nahamtang ang main entrance sang NOHS, gani dapat hatagan ini sang naga-igo nga tikang sang gobierno particular ang pagbutang sang overpass.
Gina-hingyo man ni Gamboa ang mga traffic enforcers nga mag-assist sa mga kabata-an nga maga-sulod ukon manug-gwa sa nasambit nga eskwelahan./YVES MONTECILLO
