Notorious nga carnapper nadakpan sa Lungsod sa Molave

32

Molave, Zamboanga del Sur – Dakpan sa hiniusang pwersa kapulisan ang idlas nga kawatan og motorsiklo sa gilusad nga Joint Operation sa tropaZamboanga del Sur Provincial Intelligence Branch, Molave PNP, 902nd Manuevering Company, Zamboanga del Sur Provincial Mobile Force Company ug Regional Intelligence Division 9.
Nasikop sa maong hot pursuit operation sa Barangay Tuloan, Molave, ang target nga si JEMAR MACAREAL, residente sa Purok Dos, Barangay Dos, Tangub City ug nakuha usab sa iyang posisyon ang kinawat nga XRM nga gipanag-iyahan ni Felipe Rodero.
Ang dinakpan maoy gitudlo nga responsable sa managsunod nga kaso pagpangarnap sa syudad sa Pagadian ug Ozamis City lakip ang nahitabo niadtong October 22, 2018 diin lang XRM ang gikawat sa Mabini Street, Barangay. Maloloy-on, Molave, Zamboangadel Sur.
Nasayran sa RMN DXPR Pagadian nga ang suspek nag-atubang sa daghan ang kasong Carnapping sa tuig 2014 ug 2016.
Gipa-ilalom karon sa Digital Forensics Examination ang cellphone sa dinakpan aron makomperma kun konektado ba sa Bangsamoro Islamic Freedom Fighters ug lanao-based criminal gang nga nalambigit sa carnapping, illegal drugs ug uban pang matang sa krimen.

Facebook Comments

From Advertisers