Davao City – Patay ang usa ka notorious top 1 drug personality sa Digos atol sa pagsilbi sa search warrant sa kapulisan gahapong adlawa sa San Francisco Drive, Barangay Tres de Mayo, Digos.
Base sa rekord sa Digos PNP, ang suspek naila sa pangalang Rene C. Lumen, lider sa usa ka criminal gang nga giilang “Eng-Eng” kinsa nalambigit sa tigpayuhot og iligal nga droga, pagpanulis/akyat-bahay ug uban pang iligal nga binuhatan.
Ang suspek gidala pa sa Davao Sur Provincial Hospital apan gideklara na kining dead on arrival sa attending physician.
Nakuha sa dinakpan ang usa ka Colt .45 Pistol; six live ammunitions; usa ka magazine sa caliber .45 pistol ug lima ka sachet sa gituohang shabu.
Ang mga nakompiska nga mga butang sa suspek anaa na sa kustodiya sa Digos City Police Station.
RadyoMaN Abi Bibera
