BACOLOD CITY – Nadakpan na ang notorious nga suspek sa basag/buka kotse sa syudad sang Bacolod.
Detained sa karon sa Police Station 1 si Roger Alquerro alyas “Roger Pal-ak”, 42 matapos madakpan sa area sang Central Market, pasado 2:30 kagapon sang hapon.
Suno sa hepe sang Police Station 1 – Senior Insp. Leo Estopa, nadakpan si “Roger Pal-ak” matapos nga may gin-pick-pocket ini nga isa ka babayi sa downtown area.
Timing man nga may yara sang gindeploy nga Anti-monitoring team ang kapulisan sa diin nadakpan si Alquerro lakip man diri ang nakuha ang wallet sang biktima.
Ang suspek ang nakuha-an man sang isa ka daku nga sachet sang suspected shabu kag armas luthang.
Napanawagan ang kapulisan sa mga biktima nga magkadto sa Station 1 para paulanan ini sang kaso kag indi na makaguwa.
