Giangkon ni Ka Omar Ibarra, spokesman sa NPA Western Agusan del Norte – Agusan del Sur Sub-regional command, nga sila ang misulod ug midis-arma sa mga security guard sa Amontay Beach Resort, sa lungsod sa Nasipit, Agusan del Norte bandang alas 5:57 ang takna sa hapon kagahapon.
Wala makalihuk ang upat ka mga security guard sa maong beach resort sa dihang gihimu ang pagdis-arma sa rebelding grupo.
Nakuha gikan sa mga security guards ang 3 ka klase sa armas nga gilangkuban sa baby armalite, .38 revolver ug .22 revolver uban ang 3 ka mga VHF handheld radio.
Padayon pa’ng giimbistigahan sa Nasipit Municipal Police Station ang insidenti ug adunay usa ka indibidwal ang gunit karon sa mga otoridad alang sa dugang imbistigasyon human gitoohan nga kakonsabo kini sa rebelding grupo.
Apan sa mga press release sa PRO 13, gipagawas niini tulis ug kawat ang nahitabo kini subay usab sa pag imbestiga sa Nasipit PNP ug sa Provincial Mobile Force Company. [image: amontay.jpg]
