NEGROS OCCIDENTAL – Gin-ako sang Armando Sumayang Command sang New People’s Army Southwest Negros Guerilla Front ang pagaptay sa ginasiling miembro sang Revolutionary Proletarian Army-Alex Boncayao Brigade – RPA/ABB sa ciudad sang Kabankalan.
Suno sa ila spokesperson nga si Andrea Guerrero nga NPA ang responsable sa pagpatay kay Joevanie “Elmer” Banista sadtong nagligad nga Setyembre 9, 2017.
Si Banista ang gintiro kag napatay samtang ini nagasakay sa motorsiklo sa Brgy. Locotan.
Ginpahayag ni Guerrero nga si Banista ang sadto leader sang RPA/ABB nga naga operate sa Ilog, Cauayan, Hinobaan, Kabankalan kag Sipalay City subong man sa Mabinay.
Gina-akusahan sang rebeldeng NPA si Banista nga nagabaligya sang armas sa mga landlords kag plantador, nagapatigayon sang armed robbery, land grabbing kag cattle rustling.
Ginatudlo man sang grupo si Banista nga may yara sang direkta nga partisipasyon sa pagpatay kay Kabankalan Regional Trial Court (RTC) Judge Henry Arles pila ka tuig na ang nakaligad./Apolinario Gatmaitan Command photo/ dyHB BACOLOD
