ISABELA, NEGROS OCCIDENTAL – Gilayon nga gin-ako sang New People’s Army nga sila ang may kahimuan sa pagpatay sa biktima nga si Jomarie Jun-Jun Saracia, 44 anyos, isa ka habal-habal driver sang nagligad nga Domingo, Agosto 26 las 7:30 sang aga sa Brg. Sebucauan, Isabela.
Sa official statement nga ginpagwa sang Leonardo Panaligan Command, Central Negros Guerilla Front sang NPA pinaagi sa spokesperson sini nga si Ka JB Regalado nga si Saracia ang isa ka masupog nga “giya” sang militar sa ila mga operasyon sa binukid sang Magallon kag Isabela rason nga ini ang ginsilutan sang NPA.
Ginaakusahan ni Ka JB si Saracia nga nagapangilkil sa mgas pumuluyo gamit ang ngalan sang rebeldeng NPA.
Suno sa NPA nga nagatuyo ang AFP nga musingan ang organisasyon sang ila grupo kag gamiton sa mga black propaganda sang 303rd Brigade batuk sa CPP/NPA.
Ginpahayag sang biktima nga si Joseph Saracia, nagalakat ang iya utod padulong sa simbahan sang ini ang ginsugata sang lima ka mga armado nga mga persona kag ginpalukpan sang lima ka beses nga nagresulta sang iya kamatayon. /dyHB BACOLOD
