Usa ka sakop sa Guerilla Front Committee 88 sa rebelding New Peoples’ Army (NPA) ang napatay sa natigayong engkwentro batok sa tropa sa 26th IB Phil. Army didto sa Km27, brgy. Mahayahay, San Luis, Agusan del Sur. Giila ang napatay nga NPA nga si Alyas Ka Kilyan, apan wala pay identipikasyon sa tinoud nga pangalan niini ug hangtud karon usab wala pay ni-claim nga kabanay niini.
Gibutyag ni LTC Romeo Hemenia, battalion commander sa 26th IB Phil. Army nga naglusad ang kasundaluhan ug focus military operation aron proteskyonan ang mga sibilyan human nakadawat sila ug tahu gikan sa mga tribal leaders kabahin sa presensya sa mga rebeldi sa maong lugar.
Nagtukod matud pa ug temporaryong kampo ang mga rebeldi ug nang-recruit sa mga kabatan-onan maong daling mirespondi ang tropa sa military.
Dugang pa ni LTC Hemenia nga magpadayon gihapon ang ilang focus military operation batok sa mga rebeldi.
Sent from my Samsung Galaxy smartphone.
