KABANKALAN CITY – (Update)Nakilala ang duha nga mga napatay kag pito ka mga pilason sa natabo nga ambush sa Barangay Tan-awan Kabankalan City las 5:30 kahapon sang kaagahon, Mayo 12.
Ang napatay amu sanday PFC Vicente Marcon kag Sgt. Sandy Arevalo.
Napilasan naman sanday PVT John Daryle Delgado, Joven Taghap, Ryan Las Piñas; PFC Kenneth Cerbo, Michael Besana, Angelito Bariga, Voltair Catamin kag Sgt. Niño Nabaunag.
Suno kay 62nd IB Commander Lt. Col. Darell Bañez nga nagapatigayon sila sang patrolya bilang kabahin sang operation angot sa nagahilapit nga barangay kag SK elections apang gulpi lang gin-ambush sila sang mga ginapatihan NPA.
Sa statement naman sang Mount Cansermon Command sang New People’s, ila gindeny ang ambush bangod legitimate encounter ang natabo nga naglawig sang mga 30 minutos.
Ginpahayag naman ni Capt. Ruel Llanes, ang spokesperson sang 303rd Brigade nga mga 60 ka mga rebelde ang ila nasugata, sa diin naglawig sa mga duha ka oras ang firefight.
Ang mga rebelde ang nagpalagyo sa Barangay Buenavista, Himamaylan City. / In photo: Ang backhoe sang F.Gurrea Const. nga ginsunog sang mga rebelde sa Barangay Tan-awan, sang Mayo 7 sang gab-i.
