*Gibalhin sa pribadong hospital ning syudad, ang usa ka babae nga mi-ambak sa tulay ning syudad, niadtong adlawng Martes. *
*Matud ni Police Senior Inspector Glenn Caburatan Abalde, ang hepe sa Divisoria Police station, nga wala pa silay nakuha nga rason sa pag-ambak sa biktima, tungod kay dili pa kini makasulti karong panahona ug permi kahilak. *
*Dugang pa ni Senior Inspector Albade, nga naila ang babae nga si Jerica Cabual, 26 anyos, dalaga, lumad nga taga Bacolod, Lanao del Norte. *
*Gikompirma usab ni Senior Inspector Abalde nga usa ka nurse ang biktima sa Department of Health kon D-O-H region 10, ug duha ka adlaw pa lamang kini nga nadestino diri sa syudad, ug nagpuyo sa balay sa usa ka doctor.*
*By; Radyoman Aiza Enloran *
Facebook Comments
