Davao City – Giawhag sa Office of the Civil Defense (OCD)-XI ang katawhan partikular na ang matag opisina ug establisemento nga mupartisipar sa himuong 4th quarter Nationwide Simultaneous Earthquake Drill (NSED) karong adlawa, Nobyembre 10, 2022.
Sa interbyu sa DXDC RMN Davao kang Angie dela Cruz, Information Officer sa OCD-XI, gibutyag niini nga online gihapon ang pagpahigayon sa aktibidad aron daghan ang maka-participate mapa-publiko o pribado man nga mga opisina o establisemento o bisan sa matag panimalay.
“Atoa na actually nga gipang-invite ang atoang mga respective government agencies, even mga private companies to participate the conduct of this drill,” sulti ni dela Cruz.
Gipasabot sa OCD-XI official nga dako ang kahimuan sa NSED aron nga ma-practice ang muscle memory sa publiko panahon sa linog.
Sugdan ang programa alas 8:00 karong buntag ug dungan tanan nga mag-duck, cover and hold atol ceremonial pressing of the button alas 9:00 sa buntag.
RadyoMaN Kirby Manzon
Facebook Comments
