BACOLOD CITY – Naka-angkon sang pilas kag bukol ang mga pasahero sang Ocean Jet 7 sang liwat nga maka-bunggo sa docking area sa Bredco Port sini gid lamang nga gab-i.
Ang amo nga fastcraft ang halin sa Iloilo City sakay ang 230 ka pasahero.
Naka-angkon sang pilas kag bukol ang mga pasahero matapos nga nagkala-ungad sang hana na mag-dungka ang barko.
Nahibalu-an nga kapin sa 23 ka pasahero ang naka-injured kag gilayon naman nga ginadala sa ospital.
Suno kay Lieutenant Senior Grade Jimmy Oliver Vingno, head of Philippine Coast Guard (PCG) Station-Bacolod, nga kaangay sang natabu sadtung Setyembre 28, nag-malfuction naman throttle sang barko sa diin wala gilayon napatay sang crew ang makina rason nga naka-bunggo ini sa docking area sang pantalan.
Sa amu nga tion sang nagligad nga tuig, 14 man sa 155 ka mga pasahero sini gikab sa Iloilo ang nagkalaospital.
Dugang pa ni Vingno nga indi nila pagpasugtan ang maka-byahe ang Ocean Jet 7 samtang indi ini maka-kuha sang certification gikan sa (Maritime Authority) MARINA. / File photo/Larry Trinidad/RMN
