General Santos City— Gina-lugos ug gina-abuso. Kini ang nahimong pag-angkon ni Jennifer Lateros, hamgtong ang pangidaron nga residente sa P.I 16, Brgy. City Heights sa exclusive interview kaniya sa RMN Gensan.
Sumala niya nga oktubre 30 dihang siya nahidangat sa Alnosa District, Jeddah aron manarbaho apan bulan sa Pebrero dihang siya gi-gang rape sa iyahang amo uban ang lain pang tulo ka mga lalaki sulod mismo sa panimalay sa iyahang amo.
Pamahayag niya nga human ang gang-rape niadtp Pebrero, gikunsumo matud pa siya sa iyahang among lalaki nga gihinganlan ug Ali Abdelrahim Aljedani.
Dugang pamahayag ni Jennifer nga gawas sa pagkunsumo kaniya sa iyahang among lalaki kanunay matud pa siyang ginakulata sa asawa niini gumikan sa selos.
Saysay niya nga makapilang higayon na matud pa nga sila naaktuhan sa iyahang among babaye apan inay nga siya tabangan igo lang siyang gihatagan ug am,bal aron nga ipakuha ang iyahang gisabak.
Pag-angkon niya nga ala na siya maka-adto pa sa ahensya sa gobyerno gumikan igo lang siyang gihatud sa airport sa iyahang employer niadtong oktubre 31 ug gikumpiska pa ang iyahang cellphone.
Kalabot nini gibutyag ni Jennifer nga desidido gyud siya nga pasakaan ug kaso ang iyahang mga nahimong amo sa Jeddah gumikan dili makatarunganon ang gihimo ngadto kaniya.
Sa karon matud pa dako ang iyahang pagtuo nga siya nabuntis pag-usab gumikan ayha matud pa kini gipapa-uli, gihilabtan pa siya sa iyahang amo.
Sa karon, anaa pa sa Dr. Jorge P. Royeca Hospital si Jennifer ug padayong nagpa-alim gumikan sa sakit sa iyahang kalawasan tungod sa pagpangulata ug pagpanglugos kaniya.
