GENERAL SANTOS CITY- Malipayong nakauli na ang Overseas Filipino Workers kun OFW sa Kuwait human mi avail ug amnesty program sa gobyerno.
Matud sa Pinay DH nga si Shiela Manaay, 32, taga Sitio Royeca Brgy. Bula ning syudad nga lakip siya sa ikalimang batch sa mga OFW nga nakauli dinhi sa nasud gikan sa Kuwait aging semana.
Gibutyag ni Manaay, dako ang iyang pasalamat kay Pang. Rodrigo Duterte tungod adunay ‘concern’ sa mga OFWs ilabina ang mga gimaltrato sa mga amo sa Kuwait.
Dugang pamahayag niya ang unang amo wala siya makasinati og pagmaltrato sulod sa usa ka tuig og tulo ka bulan apan milayas tungod nakabikil niya ang kauban sulod sa balay.
Nangita siya ug laing amo kung asa nahimong caregiver, waitress og tig-limpyo hinungdan nga nagdugay ug unom ka tuig sa Kuwait.
Kalabut sa nahitabo sa kamatayon ni Joana Demafelis, gibutyag ni Manaay, nasubo siya sa nadangatan sa kababayan nga gipatay among Lebanese ug Syrian.
Sa iyang pamahayag, angayang sundon ang mga patakaran nga gustong ipatuman sa amo sa Kuwait aron dili magkaproblema sa pagpanarbaho. Kasagarang amo nga babaye sa didto sa Kuwait magselos kon duolan ang ilang bana sa mga katabang nga babaye.
Malipayon ba ka sa maong balita bestfriend?
For more info’s and updates, like and share our official facebook account www.facebook.com/ifm91.9Gensanofficial/
