Magahatag sang ayuda ang Overseas Workers Welfare Administration (OWWA) sa mga Overseas Filipino Workers (OFW`s) nga naapektuhan sang ginapatuman nga deployment ban sa Kuwait ukon ang mga wala nakadayon lakat sa nasambit nga pungsod sa pihak nga kumpleto na ang ila mga dokumento bag-o pa man ang Pebrero 12.
Suno kay OIC OWWA Regional Director Marlyn Jamero ang nasambit nga programa ang ginatawag nga Cash Relief (CARE) program, one- time cash relief assistance sa mga OWWA Members.
May-angot sini suno kay Maam Jamero makabaton sang P5, 000.00 ang OWWA Active Member kag P2, 500.00 naman sa in-active member.
Sa mga mag-avail sang nasambit nga programa iya ginaawhag nga magpadulong lang sa ila nga talatapan para sa aplikasyon kag dal-on ang valid working visa, passport kag iban pa.
Samtang ang nasambit nga programa ang lain pa sa ginahatag nga ayuda sang gobyerno sa mga OFW`s nga nag-avail sang amnestiya sang Kuwaiti Government.
