Gibasura sa Sandiganbayan second division ang duha ka Omnibus motion to defer Arraignment ni City Engineer Rolando Pacuribot.
Kini bahin sa tulo ka kasong Criminal for Anti Graft and corruption may kalabutan sa rental sa Heavy Equipment sa Misamis Oriental Provincial Capitol niadtong panahon nga gobernador pa si Mayor Oscar Moreno sa Misamis Oriental..
Ang maong pagbasura, pinaagi sa duha ka resolution nga gipakana-og sa anti Graft court niadtong April 29, 2019.
Ang duha ka mga resolution, gipirmahan nila Associate Justice Oscar Herrera Jr., Chairperson ug Associate Justice Michael Frederick Musngi ug Associate Justice Lorifel Pahimna.
Lakip sa gibasura nila ni Justice Herrera ug mga kauban ang Omnibus Motion for defer Arraignment ni Pacuribot sa iyang kasong Criminal Number 0388 ug Criminal Case Number 0496 ug Crim. Case number 0497.
Ubos sa kasong Criminal Number 0388, si Pacuribot, lakip sa gi-accused sa Ombudsman nga nakig konsabo sa mga kanhi official sa kapitolyo sa pag-rental sa Heavy Equipment sa Equiprent Corporation sa kantidad nga P3,974,250.00.
Kini nga rental sugod sa January 1, 2009 ngadto sa June 2009 ug August 1 to August 30, 2009.
Ubos sa Criminal Case number 0496 ug 0497 si Pacuribot, gi-accused pa gayud sa Ombudsman nga subling nakig konsabo sa kanhi mga official sa kapitolyo pag-rental sa mga heavy equipment sa Equiprent corporation sa kantidad nga P26,250.00 niadtong January 6, 2012.
Matud sa Ombudsman nga ang pag-rental sa mga heavy equipment sa kapitolyo walay public bidding ug supak sa Republic Act. 9184 nga mao ang Procurement law.
Sa iyang motion nga gipasaka sa Ombudsman niadtong July 2018, ubos sa Criminal case 0388, gipangayo ni Pacuribot sa Anti Graft Court nga 1). i-quash ang information sa iyang kaso, 2) ibasura ang iyang kaso tungod kay na-violate ang iyang constitutional rights ug 3) ibasura ang iyang kaso for violation for his right to due process.
Matud ni Pacuribot nga dunay “Inordinate delay” sa iyang kaso busa walay rason ang Anti Graft Court nga ila pang ipahigayon ang arrangement batok kaniya.
Ingon usab nini ang rason ni Pacuribot sa iyang ikaduha nga motion to defer arraignment nga iyang gipasaka sa Anti Graft court niadtong August 28, 2018.
Gipangayo usab ni Pacuribot sa Anti Graft Court nga ibasura ang iyang Criminal Case Number 0496 ug 0497 tungod gihapon sa “Inordinate delay”
Apan sa lima ka paniha nga resolution sa Sandiganbayan, gipahayag sa Anti Graft court, nga walay “inordinate delay” sa kaso ni Pacuribot, ubos sa Criminal Case number 0388., 0496 ug 0497.
“There was also no violation of accused Pacuribot’s right to due process” matud sa Sandiganbayan.
Kini nga resolution sa Sandiganbayan, resulta sa kaso nga gipasaka sa Ombudsman batok nila kanhi governador ug karon Mayor Oscar Moreno, Patrick Gabutina, Elmer Wabe, Divina Bade ug Pacuribot sa ilang pag-rental sa heavy equipment sa kapitolyo niadtong 2009.
Ang maong mga opisyal gi-akusahan sa Ombudsman sa kasong Anti Graft and corruption sa ilang violation sa Sec .(3 ) of Republic Act. 3019.
