Dumalinao, Zamboanga del Sur – Gipangtang-tang sa Commission on Elections (Comelec-Dumalinao) ang pipila ka mga campaign posters sa mga kandidato sa 2019 MAY 13, 2019 NATIONAL AND LOCAL ELECTIONS” gumikan sa pagsupak niini sa resolution No. 10488 kun (Fair Elections Act).
Nag-ipon og pwersa alang sa “Oplan Baklas” ang kapulisan sa Dumalinao nga gipangunahan ni PMAJ EDISON ALVIAR, ang hepe sa kapulisan sa Dumalinao uban ang COMELEC Election Officer sa maong lungsod nga si Darius Majorenos Dasmariñas,
Sigon no Dasmariñas, kadaghanan sa mga poster sa politiko nga gihipos ang anaa sa sidewalk, punu-an sa kahoy ug poste sa koryente diin hugotanon kini nga gidili.
Gidugang sa Comelec Officer nga kadaghan sa mga poster nga ilang gipangbaklas mga kandidato sa pagkasenador ug mga party-list nga karon gikustodiya sa opesina sa Comelec.
Nagpasalamat ang Comelec Officer sa Dumalinao sa pagsanong sa mga lokal nga kandidato nga misunod gayud sa guidelines sa ilang buhatan.
Dili una musang-at og reklamo ang Comelec batok sa mga kandidatong nakalapas sa regulasyon. Apan kun magpadayon kini nga musupak sa hangyo sa Comelec mohimo na sila og legal nga lakang.
Gumikan kay kapos sa panahon gipili sa Comelec ug kapulisan ang pipila ka Barangay sa gikatakda nga Oplan Baklas.
