General Santos City–Giklaro ni Gensan City Mayor Ronnel Rivera nga ang pag-abli sa Small Town Lottery kon STL ang ginatugutan na sa nasyunal nga panggamhanan hilabina sa mga lugar nga anaa ilalom sa Modified General Community Quarantine kon MGCQ.
Sumala niya nga aduna nay guidelines nga gipakanaug ang nasyunal nga panggamhanan kabahin sa operasyon sa STL sa mga lugar nga ana sa MGCQ.
busa karon, panawagan nalang niini sa katawhan nga nagataya sa STL nga tumanon ang tanang protocol sama sa pagsul-ob ug facemask, faceshield ug ang pagdala kanunay ug alcohol.
Samtang gibutyag ni City Councilor Jeng Gacal, Chairman sa kometiba sa games and amusement sa konseho nga pabiling ginatugutan ang operasyon sa STL sa Gensan tungod naundang sila milabayng mga bulan gumikan sa pandemya.
Apan higayon nga matapos ang grace period sa STL, sugdan na usab nila sa pag-dungog ang pending nga aplikasyon sa Trento Gaming Corparation aron sila makapadayon sa ilang operasyon.(LVR)
