Kalibo, Aklan — Gin umpisahan eon nga i-implementar it Kalibo Municipal Task Force rong Opertaion Baklas it mga road obstruction ag spaghetti wires iya sa banwa it Kalibo kaina.
Raya hay basi man sa deriktiba ni Mayor Emerson S. Lachica.
Ro Kalibo Municipal Task Force hay ginapangunahan ni SB Member Matt Aaron Peren Guzman kaibahan sanday Engr. Amalia Luna Francisco, Mun. Engr. it Kalibo, Mary Gay Q. Joel it TTMD, PCMS Ronald Macario, Highway Patrol, KAP Deputy Vic Perez Basia ag iba pang miyembro it KAP.
Kaibahan man kaina sa implementasyon si Punong Barangay Neil Ibardolasa Candelario ag Kagawad Kobe Abet Magsisi it Poblacion Kalibo.
Ro nasambit ngara nga Operation Baklas hay magapadayon para mangin maligwa ro mga karsadahon nga masami naga traffic bangud sa mga obstructions.
