Davao City – Dugay ug langay kung ang kapolisan maoy tahasang mag-distribute sa Social Amelioration Program (SAP) alang sa 2nd tranche sa cash assistance subsidy subay sa COVID-19 crisis.
Sumala ni Barangay Mintal Proper Brgy. Capt. Tata Bargamento, kinahanglan ang motrabaho niini ang mga personahe sa Barangay ug Department of Social Welfare Development (DSWD-XI) ilabina kung dunay himoong re-validation sa mga pangalan sa benepisyaryo.
Gipasabot ni Kapitan Bargamento nga ang maong trabaho wala gilimita apan sa bahin sa mga pulis mas trabahuso kini alang kanila.
Matud ni Bargamento, mas maayo og tutukan sa mga pulis ang paghatag sa seguridad, pagpatuman sa mga guidelines sa General Community Quarantine (GCQ) ug pagbantay sa mga checkpoints.
RadyoMaN Paul Canono
