*Polomolok South Cotabato*- Nakumpiska ang pipila ka mga improvised nga mga kutsilyo, cellphones sa pipila ka mga piniriso sa gihimong Oplan Galugad sa lock-up cell sa Polomolok, South Cotabato.
Sumala pa kang Police Sr. Inspector Hernan Gabat, ang deputy Station commander sa Polomolok PNP nga tungod sa mga impormasyon nga nakaabot kanila nga adunay kontrabandong nakasulod sa lock-up sa Polomolok, dali nilang gilusad ang maong operasyon.
Tungod sa pagka-rekober sa maong mga butang, naghimo gilayon og imbestigasyon ang kapulisan sa Polomolok og nganong nakalusot ang maong mga butang sa bilangguan.
Gipangwagtang na usab ang mga butang nga posibleng pwedeng mamahimong hinagiban sa mga piniriso sulod sa lock-up cell.
Usa sa mga ginatan-aw sa mga kapulisan nga sagad nga mga dalaw nga mga babaye ang nagapalusot sa maong nakumpiskang mga butang. ( Report ni Kasamang Ray Sabillo)
