General Santos City— Mipatim-aw sa hawanan sa konseho si Mark Suico Esber, ang organizer sa Mutya ng Pilipinas Region 12 aron sa pagpangayo ug pasaylo human nga wala maapil sa listahan sa mga kandidata sa Mutya ng Pilipinas aqng pambato unta sa rehiyon 12 nga si Richelle Valerie Pailden.
Sumala pa sa nahisgutan nga adunay daghang rason nganong wala maapil sa listahan si Pailden sama nalang sa pagdugang sa iyahang timbang ingon man wala natapos nga mga document nga pakyas niyang masubmitar sa kauluhan.
Nangayo kini ug pasaylo atubangan sa mga konsehal, apan gikasuko ni GenSan City Vice Mayor Shirlyn Bañas ang nahimong pamatasan niini gumikan luyo s apagpangyo ug pasaylo, aduna kini daghang rason nga gibutyag nga wala mauyunan sa mga opisyal.
Kahibaluan nga una ng nagduso ug resolusyon ang bise mayor batok kang Esber nga i-deklara kining persona non-grata sa dakbayan gumikan sa gihimo niini ingon man ang pagpahigayon niini ug public apology.
Human mangayo ug pasaylo, gi-amyendahan ang resolusyon ug gitanggal ang pagdeklara ug persona non-grata kang Esber gumikan makonsidera matud pa kini usa ka bug-at nga silot.
Gihisgutan man usab sa mga konsehal nga higayon nga adunay mga aktibidad sama nalang sa mga pageant kinahanglan gyud nga paabruhan una ang mga organizer aron nga malikayan ang susamang panghitabo nga daw sa nailad ang mga contestant.
