Davao City – Gipailawom sa restricted custody ang usa ka bag-ong pulis human iyang napusilan ang usa ka police officer 3 nga nahitabo sud sa Davao Del Sur Provincial Police Office 6:32 kagabii.
Subay ani, gipadisarmahan ni Police Chief Inspector Mark Kim Aquino ang suspek nga si Police Officer 1 Jeffrey Baluyan samtang nagpadayon ang imbestigasyon labot sa mao nga insidente.
Sa inisyal nga kasayuran, gilimpyohan ni Baluyang ang iyang 9mm pistol dihang kalit kini mibuto ug aksidente naigo sa tiyan si PO3 Romy Cruz.
Daling gidala sa mobile patrol si Cruz paingon sa duol nga ospital sa Digos City.
Bisan paman nga wala tuyoa ni Baluyan nga mapusilan si Cruz ila gihapon ipaubos sa imbestigasyon ang suspek.
RadyoMaN Joel Viray
Facebook Comments
