Gituki karon sa mga eksperto sa disaster management uban si Pres. Rodrigo Duterte ang nagkadaiyang mga scenarios mugna sa pagbusikad ni Mt. Mayon.
Sa Situation Meeting karong mga orasa mismo sa lalawigan sa Albay, gidungog karon sa pamuno-nasud ang nagkadaiyang mga panan-awon ilabi na ang ‘worst-case scenario’ nga bunga ning latest natural calamity nga nilampornas sa atong nasud.
Gi-orden usab sa pamuno-nasud ang ‘short-term measures’ sama sa pagpa-release gilayon sa pondo kantidad P20M alang sa immediate rehabilitation, igong supply sa pagkaon sa mga ni-evacuar ingon man ang panginahanglanon alang sa gitawag nga ‘increased surveillance of contamination’ sama sa mga epidemya ug kalamidad nga posibleng motuyhakaw nga maka-apektar sa kasanihan kun sanitation sa mga nadislokar nga katawhan.
Usab nitunol ug laing hinabang-pinansyal si Comm. Sandra Cam sa PCSO samtang ang Department of Agriculture nitagana usab ug P100M alang sa agricultural rehabilitation sa lahar-stricken region.
RadyoMaN June Duterte
