BACOLOD CITY, NEGROS OCCIDENTAL – Padayon karon nga gina imbestigar sang Police Station 1 ang ginreport nga pagpang-snatch sa cashier sang Municipality sang La Castellana sa sulod sang isa ka pampubliko nga salakyan diri sa ciudad sang Bacolod sadtong Lunes.
Ini matapos nga nagreport si Mitchie Pille, 40 anyos sang Brgy. Robles sang amo nga banwa nga durante nga ini siya ang nagasakay sa jeep nga may rota Bata-Libertad sadtong Lunes sang hapon, gin-snatch sang tupad niya nga pasahero ang iya bag.
Suno sa biktima ang unod sang iya bag amo ang cash nga P200,000 nga koleksyon sang banwa, isa ka camera, cellphone kag mga importante nga dokumento.
Ang insidente natabo sa sulod sang jeep samtang nagausoy ini sa area sang dalan Gatuslao./dyHB BACOLOD
