Kini ang sagad reaksyon sa pipila ka motorista sa Davao City.
Sa interbyu sa DXDC RMN Davao sa usa ka Public Utility Jeepney (PUJ) driver nga si Allan Tinuyog, giingon niini nga dako og tabang sa mga bag-ong aplikante nga magkuha og student permit ang pagpaubos sa medical fee.
Gisulti usab si Buloy Lantecsi, usa ka driver nga taga Bankerohan, makatabang kini ilabi na sa mga first timer nga magkuha og lisensya.
Sugyot usab ni Harry Jumalon, usa ka driver, dapat lang paubsan ang medical fee, rason nga makatabang kini sa mga naglisod ilabi na sa nasinatiang pagtaas sa presyo sa mga palaliton.
Kahinumduman nga niadtong Mayo 22, 2023, gi-anunsyo ni Land Transportation Office (LTO) Chief Assistant Secretary Jose Arturo Tugade nga paubsan ang bayad sa pagkuha sa medical certificate, tungod daghan ang nagreklamo sa presyo nga anaa sa P500 hangtud P700 ang ilang mabayran.
RadyoMaN Don Pulayao
