General Santos City— Gipasigarbo ni Jail Superintendent Peter Bangngot Jr, Jail Warden sa Lanton Reformatory Center nga adunay 33 milyones ka pesos nga gisaad si DILG Assistant Secretary Nestor Quinsay.
Sumala niya nga ang maong budget ang alang sa pagtukod ug dugang nga mga prisushan kung asa dako matud pa kining tabang alang sa syudad ug sa maong pasilidad.
Pinaagi matud pa sa maong budget, mahatagan ug kasulbaran ang problema sa kaguot sa maong pasilidad. Dugang pamahayag ni Supt. Bangngot nga sa karon aduna na silay ginahimo nga insiyatibo aron nga malikayan nga mas mangguot ang mga piniriso.
Pinaagi matud pa sa pagpahigayon ug open cell kung asa alas 6 sa buntag, ginatugutang makagawas sa mga selda ang mga inmates ug gina-pabalik alas 6 usab sa gabii human ang head count.
Giangkon man usab ni Superintendent Bangngot Jr, nga sa karon mukabat sa 600% ang congestion rate sa Lanton Reformatory Center ug anaa na 60-70 ka mga piniriso ang nagadasok sa usa ka selda.
